Kat Piv Huvluv al gezien op Comedy Casino en von da wel ne leutigen vent, dus ginnek noar Puurs om een volledige show vannem te zien.
Hij es nie azzu de man van de bulderlach, moar het es toch constant leutig om zien en lachen gebloazen. En soms wuirret zelfs serjeus en krijgde zelfs ne krop in ou keel.
In de veurstellink spilt Piv mee jeugdherinneringen, hilarische annekdootes (twas vrie plezant en de vele verwijzingen noar vroeger dee mij uuk regelmoatig terugpeizzen oan mijn jeugd en , ajja Piv es ongeveer van dezelfste leeftijd) en soms zier persuunlijke verhoalen (al weten we natuurlijk nie wadda wel of nie op echt gebeurd beruist natuurlijk).
De veurstellink was blekboar een benefietveurstellink veur nevenstoande organnesoasse. En kem die minsen nog wa miêr gesteund. Kem mij nen t-shirt (ne goejen trouwes, mee ne leutigen tekst) gekocht.
En der was nog miêr : we moesten (allei mochten) uuk een kuirte bevroaging invullen veur twie studentes euderen theesies …. over de geziene show.
Der was uuk een veurprogram in de vuirm van Frederiek Camargue – ne man mee ne peirrekop, letterlijk hé) die wa fla mopkes kwam vertellen. “Da was bedoeld ommet contrast mee Piv nog gruuter te moaken” was zijn devies. Wie de show zag wit uuk woarrom we toch nog mee dienen Frederiek konnen lachen.
De ganse show was uuk goe te volgen op een overzichtjen achteroan op de seine en Piv verwerkt da tein uuk in zen program….. meer as goe gevonnen, zounnek zeggen.
Besluit : ik ga zeker noar zen volgende show kijken ….en koop van u tzelfste natuurlijk 
Zenne saait es te bereiken deur op den bovenste fotto te klikken.
