De tent oan de maneige zat volledig vol veur toptreden van Katastroof. De inrichters, Moes 1900, zeun dus mier as content gewist zijn.
Uuk het drankverbruik kost wel tellen peizzek…… de gevolgen woarren veur sommige tein uuk navenant (lees moar ies noar op feesboek).
Al wuirter wel ontkent datteen iet mee tander te moaken at…. ja da zal wel 
Uuk keunen vaststellen da Katastroof uuk bij ons jeugd mier as gekend es ….. alle liekes wierren meegezongen, uuk de minder gekende.
Wa uiteroard bewijst datte Moes jeugd ne goeje smoak eet doar keunen we dus zekers op betraan, ze zen nog nie om zieep – zuas sommige peezewevers verkleirren 
Het was dus ne vrie plezanten oaovond moettek zeggen.
Toch nog twie zoaken woarrek wa kritiek oppem.
Ten iesten de klank was giel slecht, gelukkig kemmen wij de teksten miestal van buiten want de mannen van Katastroof woarren weinig of nie te verstoan mee momenten. De mieste ‘vettigen’ commentoar emmek wel guurt, dus da viel nog mee
En ten twieden zoun ze oan sommige wichten(!) ies duidelijk moeten moaken dammen uuk ons grenzen emmen. We woun desnuuds van giel de tent, van alle vraan euder bluute tetten zien…. mee uitzonderink van één……. en die loat ze tein uiteroard wel zien, en opt podium tein nog wel….. al mijn schuim was direct van mijn bier, van alteroasse uiteroard
