21 december 2010 : Wandelen in de sneeuw

Mee zen tienen(*) zen de Moese Stappers deur de snee getrokken van Moesen Broek. Het vertrek wier verploatst van de Kille noar Ritakapelle, woar da Clémang vaststelde datter gien fielmken (een geheugenkoartjen es da zegenwoordig) in zenne kodak zaat. Moar da weer en de donkerte wasset zowiezo nie gemakkelijk om fottookes te moaken. Wemmen ons goe gammezeerd, wemmen goe gewandeld en geschoven……. en op onzen totter gesteuken, moar twas plezant.
Hieronder het koartjen van de wandelink en wa fottookes…… ondermier van ne snieman die wonderweg (op “De Plaat”) tegenkwamen.
Wemmen uuk al dafsproak gemoakt , toen wachteraf op de Kille der nog ientje gingen drinken, om de volgende kier een kuirt wandelingsken te moaken en doarachter van de lekkere scampies teten op de Kille.

(*) : Fransken, Erik en Brigiet, Sippen en Heleen, Djo & Erik, Clémang en Hilda en den deezen….. op de Kille es uuk nog Lutgard (van Erik) der komen oansluiten)

18 december 2010 : Godinne – Dinant (GR 125 & 126)

In het begin leek ons lestjen nog goe gevuld. We zoun dus mee een serjeuse groep keunen goan stappen. Moar deezen bewusten doattum noaderde, en mier en mier moesten der afhoaken wegens weirreken of een andere verplichtink.
Uiteindelijk woarren we nog mee drei (vier as ge woef Toby meerekende) om te goan stappen, moar da es mier as genoeg om ou te ammeseren. dus den deezen huurde zeker nie kloagen
Normoal gezien zoun we dees wandelink al twie mond geleen gedoan emmen. Moar toen atten we gien koart of niet bij en woarren dus in de verkierde richtink vertrokken (bleek achteraf) en woaren dus noar Namen getrokken.
Moar nou dus woaren wop alles veurzien : koarten EN een wegbeschrijvink.
Moar kbegin natuurlijk van bij het begin. Het was nog moar zes uur smeins toen we ons al deur de snee een weg moesten boanen noar Am en Deirremonde om doar den trein te pakken noar Godinne (da es een stationneken tussen Namen en Dinant dus).
Wij, da zen Heidi(die heure woef meegebrocht at), Karin en den deezen.
Watten op veurhand ons uuk al ne railpas oangeschaft en een ticket oangemoakt (via tinternet) veur den Toby (ja zij, die moest uuk een ticket emmen)  en dus geroakten we aga ter plekke. Allei aga es veel gezeet, de verbindink noar Dinant es nie zu goe, en dus moesten win Brussel bakkan een uur wachten op ons oansluitink, gelukkig at onzen trein wa vertroagink en moesten we dus zu lank nie wachten.
In Godinne oangekommen wiesten wal woar we nie noar toe moesten (gezien de veurige kier), moar het was toch nog efkes zoeken om de start te vinnen. Moar iens die gevonnen, konnen wop weg. En wemmen onze weg giel den tijd goe keunen vinnen, ondanks der redelijk wa snee laag en dus alle markeringen nie alted duidelijk te zin woaren.
Den tocht zellef liep iest deur den bos noar het ‘Chateau de Tricointe’ en van doar verder noar ‘Gayolle’ .
Oppet program stond uuk een serjeuse beklimmink : ne serjeuse kuitenbijter zenne………. we passeerden oan een zandgroeve en atten doar uuk een schuun uitzicht.
Vervolgens trokken we richtink ‘Evrehailles’ en as we deur het duirpken woaren wasset den uugsten tijd om wa teten. Veel tijd emmen doarveur nie gepakt, want het was toch serjeus kaat om te blijven zitten. Zulank dammen oan het stappen woarren atten we doarvan nochthans gienen last gat, moar…….
Der wier natuurlijk uuk redelijk wa afgebabbeld, uuk bij het eten en sinsdien eet den uitroep van de Reggie ‘Waar zijn die handjes ?’ een serjeuze andere betekenis gekregen
Wie mier uitleg wil, zallet moeten vroagen, want over schrijven doennek lekker nie
Een bitje verder gegoan en we stonden ineens tussen de joagers, watten nochthans gien borden gezien op onze weg. Moar mits wa overleg mee die mannen (en ons Karin kent goe heur Frans… Heidi enne kik iet minder moar taan pie hé)mochten we toch verder goan tot oan de ruïnes van ‘Poilvarche’ en  tein een schuune afdoalink noar ‘Houx’….. en doar kwoamen we wel een bord van de joagers tegen en der zoun der nog volgen. We zouden van dannaf de GR’s gruutendeels nie mier keunen volgen, want der woarren azzu verschei stikken afgesloten.
Vanaf ‘Bois Wuilmotte’ kregen we het gezelschap van nen twieden hond, die ons zou vergezellen tot in Dinant. Moar iest passeerden we nog in Leffe (inderdoad van da bier)
Doar zemmen da extra hondje goan binnensteken in het poliesseburo (jaja we zitten in mee de biestjes) en toen natuurlijk iest nog ientje goan drinken veur we noar huis vertrokken. In Brussel verloren we weer bakkan een uur en at ons trein noar Deirremonde nog serjeus retaar.
Moar da kon oan ons gat roesten, watten een prachtige wandelink gedoan en woarren uuk serjeus moe……. wemmen dienen nacht allemoal goe geslopen
En kem uuk een poar fottookes getrokken onder de boan en hieronder stoander wa van.

Kerstzingen met de Scheldegalm

Tes den tijd van kestdag, en tein komen de zangers van de Scheldegalm wa mier buiten as anders.

17 december 2010 : In Durmedroom

De vraan van de Korebloem (da es iet gellek de KAV, moar tein veur lieberoalen) van Am atten euder kestfiestjen in Durmedroom. De veurzitter zen vraa es doar uuk bij en zatten ons, de Scheldegalm, dus uitgenuudigd om doar da fiestjen te komen opvrolijken.
Wij doar dus noartoe. Keunde dadou veurstellen, een zoalken mee alleen vraan en doar wij de zangers(alleen mannen, en wa veur mannen) bijgestoken. “En het woarren tein nog allemoal jonge mokkes” zei de René…. veur de René wel, die esser 84 peizzek.
Wemmen doar allesins schuun gezongen, en die vraan woarren vried content over ons prestoases

19 december 2010 : Kerststallentocht

Het es al een poar joar ons gewoente dammen oan de Moese kerststallen goan zingen mee de kerstallentocht. Overal wuirren we tein goe ontvangen en krijgen alted ies oangeboden (nie dammen doarveur doen, moar toch een bitjen
De plannink was as volgt

• 17 u : op den Buutdijk (oan Ritakapelle)
• 18 u : op het Duirp (bij Johan)
• 19 u : op de Kille (bij R-man & D-zie)
• 20 u : op de Meulen (oan de Vier Gekruunden)

Het was dienen achtenoen nog geweldig oan het sneen, moar toch woarren nog een tiental gekken van de Scheldegalm doar deur gekommen. Gunther en den deezen woaren zelfs mee onze vélo gereen….. en neeje we zen nie gevallen of zu
Op de Buutdijk wasser veel vollek, het tentjen stond proppesvol. De jenever,cava en gloewijn vloeide geweldig en de hamburgers woarren lekker.
Bij Johan (en uuk op dandere ploatsen) wasser beduidend minder vollek. Ha zu een weer uuk. Toch emmen uuk doar de nuudige kestliekes gezongen.
Op de Kille woaren we zeker bij de goe. Rie de Kazze(trouwens erelid van de Scheldegalm) was doar toevallig uuk en dus kregen wallemoal een extra jeneverken of iet anders noar keuze oangeboden.
Oan de Vier Gekruunden es altijd onzen besten post zu gezeet. We repeteren doar tein uuk wekelijks. We krijgen doar tein nie alleen vant ploatselijk kommeteeken ientje oangeboden (plus nog ne giellen huup versnoaperingen) moar uuk nog ientje vant café uuk….. en tees joar atten we nog mier sjans want den Ambroos tastte uuk nog ies in zennen buidelof zen buizze gellek wier zeggen.

Dus vier kieren schuun gezongen en ons veur de rest goe gammezeerd

25 december 2010 : aan ’t Stapken

Het sluitstuk vannet kestzingen es tein miestal oan ’t Stapken. Slechts een poar zangers zen doar oanwezig (deeze kier woaren we mee vier : Marc, Sijptjen, de veurzitter en den deezen)moar wemmen alted veel sympathisanten….en der wuirt goe gezongen. En nie alleen kestliekes, moar uuk andere klassiekers wuirren bovengoald. De Marc attem trouwes een droa-uirgel oangeschaft en kost doar uuk zein dievuren ies op los loaten …… alweer ne gesloagden oavond

Niet content ?

Veel minsen zen nie content mee de djob dasse alle doagen moeten doen.
Om die minsen wa te truusten, hieronder wa fottookes van minsen die nog slechter gesteld zen.

(de leuke meelkes blijven kommen….. blijft ze sturen zounek zeggen)

Eén beeld zegt dikwijls meer dan 1000 woorden !

(met dank aan Werner)

Zalig Kerstmis

Sommige pastuurs (bisskoppen, paus, weettekveel,…) emmen der iet op tegen dagge beveurbild ‘Prettige Kerstmis’ zegt.
Der ester zelfs enen die nen gemientelijken spandoek van zen keirrek eet loaten afhoalen…. want het moet ‘Zalig’ zen volgens die gasten.
As ge die foto hieronder ziet, tein keunde da nie tegespreken nou….. gewoon ‘Zalig’

11 december 2010 : verkiezing prins Carnaval 2011

Kat doarveuren nog in Sienekloas gezeten, noar een optreden van Gabriel Rios en doarnoar wasset tijd veur de verkiezink.
Kwil iest een miesverstand uit de weireld helleppen, de Djippenassen (en dus uuk ikzellef) emmen der gien schuld oan da Noël zijn entourage nie alle peterschappen eet keunen ophoalen. Zuas op veurhand uuk afgesproken was, zemmen goan leuren mee da koarten op zondag 28 november en emmen toen al wa peterschappen verkocht. De rest van de peterschappen dienden we in de luup van de volgende twie weken te verkuupen (da woarren minsen dammen die zondag nie keunen bereiken atten) en dammen tein uuk gedoan, zuas alle joaren veurdien trouwens. Dus kzoun nie keunen peizzen woar dammen wij sabotage zoun keunen gepleegd emmen……. nochthans kwaam der mij direct ientje van beschuldigen bij het betreden van de zoal. Da zal woarschijnlek wellicht een bitje frustoasse vant moment gewist emmen….. hoopek.
Veur de rest verliep den oavond giel gezellig en zeker toenner bekend wier gemoakt wierder gewonnen at : den Bart natuurlijk ……..
Veur de rest ne giellen tijd keunen proatjes sloan, hoegaarden drinken en plezier en lol verkuupen……..
Da beloofd veur in de meirt 2011 (6 tot 8 meirt,om sjuust te zijn)

10 december 2010 : Dropping in Moerzeke & Kastel

Watten ingeschreven veur mee te doen oan de droppink die zou vertrekken bij Johan opt Duirp.
Wijzellef woaren onze zessen : Clémang, Eric M, Djo, Kris, Jonas & ikke en we kregen nog versteirrekink van Katia & Peter.
We moesten tegen hallef acht verzoamelen om te keunen vertrekken, moar da was zonder den Hans (één van de organisatoren, soamen mee de Geert) gerekend. Bij de veurbereidink van dienen oavond wasser mee hem blekboar iet fout geluupen. Den Hans was dus nie giellegans op zen eigen moar mits wa goeje verzuirgingk kwaam da toch nog enigsins in orde.
Het was dus al na hallef negen toen de ieste groep kon vertrekken. En toen wij as achtste en leste groep vertrokken wasset bakkan hallef tien. Watten der ondertussen gien gras over loaten groeien en der al ientje gedronken (da keunen der mier gewist zen uuk).
We kregen een stafkoart (jammer genoeg ientje woar zelfs Mechelen op stond, moar ze gebruiken da formoat (1/50.000) blekboar innet leger), een kompas, een blad mee alle te zoeken coordinoaten mee wat uitleg bij, en ne fotto van de te zoeken ploatsen.
Op elke te zoeken ploats zoun we een letter vinnen : een roeje of een zwerte. Al die letters soamen zoun tein twie ploatsnoamen vuirmen.
Wemmen alle letters gevonnen en konnen tein uuk de noamen Brugge en Antwerpen vuirmen. Het was wel een toamelijk modderig parkoer en we woaren dus serjeus vuil toen we terug oppet Duirp toekwamen en watten uuk over een gracht zien te geroaken…. ambiejans dus.
Onderwegen atten we nog even keunen verpozen in de Blaas.
Op ons eindpunt wasser nog soep en botterammen veurzien, da viel bij velen in goeje eirde.
En der wier nog serjeus nageproat en wemmen ons ne gansen oavond goe gat zenne

Dit zou de kuirste weg gewist emmen, moar wemmen doar toch een bitjen van afgeweken

Een levensles

(gekregen via de meel, van D-zie)

Op de boerderij esset peird ziek.
De vietterreneir zegt tegen de boer:
Kem hem een spuitje gegeven moar as tem binnen drei doagen nie weer op zen puuten stoat, zuldem moeten loaten insloapen vries ik”
Het veirreken, da alles guurd eet zegt tegen het peird: “Kom man,zet ou recht!!”
Moar het peird es veel te moe.
Den twieden dag zegt het veirreken tegen het peird :
“Zet ou snel recht,man!!”
Moar het peird es nog alted te moe.
Den derden dag zegt het veirreken:
“Zet ou recht man, want anders goan zou loaten insloapen”
Het peird roapt al zen krachten soamen en zettem recht.

De boer es zier tevreden en zegt:
“Da moeten we vieren, we goan het veirreken slachten!”

Moroal van het verhoal :
Aat ou mee ou eigen zoaken bezig en
aat veur de rest ou bakkes…

7 december 2010 : Wandelen

Het was een viertal weken geleen, want R-man & D-zie woarren op reis en doardeur atter gien wandelink ploatsgevonnen, moar nou wasser weer een wandelingsken gepland. Acht wandeleirs woarren der deur gekommen. Het was serjeus kaat en de boanen lagen wel wa glattig, moar dakkan dechte nie tegenaan natuurlijk.
De Sippen stelde veur om richtink Mirabrug te trekken. Frans at al een tochtje in gedachten en kon doar in ieste instanse wel meeleven….. uiteindelijk zoumen natuurlijk weer nie oun de Mirabrug geroaken, moar da zen wal gewoen. Erik en Brigitte vrogen ommet toch nie te veir te zoeken gezien de kaa en de slechte boanen. Hilda was al blij da Clémang der nie bij was En veur den Djo, onze Kris of veur mij bleefet allemoal al gelijk
Wemmen ondermier in Stienen Puurt gezeten en tein langs de Pompelhoek  en de Woatterstroat noar Ritakapelle…..  en tein via de Albeirdijk (en tein passeerde ondermier oan de Bosschaertstreek, woar dak wa over gevonnen em op tinternet, altijd leutig om te zien of te lezen)……. en ottos datter opda moment nog int Broek ronddolen, verschei kieren moeten uitkijken……. ajja want twas pikkedonker natuurlijk.

En tein noar Teiland en verder noar de Gaandijk (nie langs den dijk moar twie boantjes veurdien zudagge oan de gruute Wiel uitkomt) …… om tenslotte azzu op de Kille te geroaken.
Doar emmen der noar goeje gewuunte……. da kende wel a zeker Lutgard en Clémang kwamen ons doar nog trouwes gezelschap aan.

Kem op tinternet nog ne schuune foto van de Kille gevonnen, en kemmem hieronder gezet.

Wemmen uuk nog afgesproken om de kommende vrijdag mee een poar mee te doen oun de droppink, die zal starten van op Moes Duirp (in café Schelderoute). Moar doar zannek woarschijnlek het loatter wel nog ies over emmen.