Noast mijn ploatselijke wandelingskes op deistagoavond (om de viertien doagen) mee de Moese Stappers goannek uuk hallef van tijd op stap mee nog een ander groepken op zoaterdag. (of zelfs veur een wiekent) Das es tein miestal noar Dardennen. Al klopt da nie alted natuurlijk. Wemmen hier bij ons nogal de neigink om alles wadda in de Woalen ligt Ardennen te noemen, moar da es natuurlijk nie juust. Zu zijmen deeze kier noar de kottee van Namen gewist en da est tein het gebied boven Dardennen en da noemt de Condroz (verbetert mij ast nie juust es).
We proberen alted ne zaotterdag te zoeken da iedereen kan, moar da lukt natuurlijk bakkan noeit. Doarrom emmen veur tees noajoar iet nief uitgeprobeerd. Karin at noamelijk een saait(www.doodle.com : ge moet moar ies goan zien-klikken as ge goestink eet, tes volledig gratis dus gekluut keunde nie zen) gevonnen die ons hierbij kon hellepen. Wemmen tein ne kalender opgesteld tot teind van tees joar (mee al de zoatterdag derrop) en alleman konder de zaoterdagen op oan duiden dattem al dannie kon. De zaoterdoagen datter miest vollek kan, goan we tein wandelen.
En zu kwamen uit da we konnen goan wandelen op 23 oktober (in ieste instanse wasda 16 oktober moar doar de Fred tein blekboar toch nie kon zemmen verschoven noar den 23sten).
Zatten in een veir verleden ies een schuun wandelink gemoakt in de buurt van Dinant (zonder den deezen, twas al ne giellen tijd geleen dus) en doarom kozen we da as uitgangspunt van de wandelink. Dienen uitleg over die schuune wandelink was jammer genoeg nie mier te vinnen en doarrom moesten wuitkijken noar iet anders.
Omdamme alted (of toch giel veel)mee den trein goan zochten wop tinternet noar iet da doar mee te combineren viel. We vonnen uiteindelijk datter ne GR = grote routepaden (veur die datta nie weten: da zen van die wandelwegen oangeduid mee die roe/witte balkskes op stoaken en buumen)liep van Godinne noar Dinant (en uuk noar Namen moar strak hierover mier). En uuk belangrijk in Godinne esser een treinstation dus doar konnen wafstappen.
Watten links en rechts azzu wa informoasse gezocht, moar bij den Eddy of Clémang die giel wa boekskes en koarten emmen van Dardennen wasser nieks veurroadig. Nie getreurd Karin at een koart gevonnen ennik atter in goald noar de Beirghut, moar die besloegen alle twie moar tleste stuk van ons wandelink, dus int begin zoammen wa moeten zoeken, moar we zen aat (zekers !) en wijs (peisdet ?) om ons plan te trekken.
Dus we stappen onze vieren(Karin, Hilde, Wardjen & ikzellef) af in Godinne en moesten doar meteen op zoek noar dienen GR. Hilde vrooget efkes oan een dameken mee een hondjen en die stuurde ons de goejen kant op. We vonnen aga dienen wandelweg (vlak oan de Maas) en vertrokken in dezelfste richtink woar da onzen trein noar vurt gereen was, want die ree uuk noar Dinant. En doar moesten wuiteroard noartoe.
Deur de velden, moar veurral de bossen berekten we anderhallef uur loatter terug een bitje de bewuunde weirld en ukk verrom de Maas. En doar ston uuk een koart van domgevink. We bekeken die koart azzu een bitjen, en stelden vast dammen in ploats van noar Dinant noar Namen oan het stappen woarren. Op zich wasda gien probleem, doar es uuk uiteroard een stoasse. En den deezen dacht zich te herinneren datta in kielometers nie echt veel verder was. Een problimken was tein wel dammen van ne giellen dag gien koart zoun keunen gebruiken, want van Namen en omstreken atten we nieks bij. Moar we kenden tein nie de weg, we kenden den toal (allei toch een bitjen).
We stapten dus vrolijk verder en zagen prachtige vergezichten, schuune bossen en nog veel mier. Ent twier loatter en loatter, en Namen kwaam moar nie echt in zicht. Het begost al noar de vijven te goan en twier al wa donkerder dus besloten we doar toch efkes oan ne mins (mee een hondjen) te vroagen offet nog veir was. Volges dienen man zaten we lost de gruute boan ne kiellometer of tien van Wépion (bekend van deirrebezen noar het schent) en deur de bossen ne kiellometer of zes van Namen. We besloten het zekere veur het onzekere te nemen en oan een huis te goan vroagen om ons nen taxi te bellen. Watten iest nog geprobeerd om nen lift te krijgen moar minsen die mee pak en zak deur de moor en de regen emmen geluupen, pakken ze nie gemakkelijk mee.
En watten percies giel goeje minsen uitgekozen. Ze stelden ons veuren om ons zellef noar Wépion noar de bushalte te voeren, tein moesten we gienen taxi emmen. En asse huurden dammen in feite in Namen oan de stoasse moesten zijn as eindpunt, wasser rap beslist om ons tein noar doar te voeren. Da was veur euder ongeveer even veir.
Diene mins (blekboar ne Woal mee vloamse roets, zen moeder was van Kortrijk, en hij sprak nog redelijk goe Vloms) zette zenne Hummer wa uit te weg en ree zenne Porsche Cayenne wa achteruit en liet ons ploastnemen op die schuune lere zetels. Ja we zen dus mee ne Porsche Cayenne noar de stoasse gevoerd. Veur de liefhebbers : dienen mins antwoorde op vroag van Wardjen of da ne zwoaren otto was : dattem zu dreihonderd peirren at en 6500 cc ongeveer (Kweet nie of da inderdaad woar es, moar kpeis datta toch zuiet zou keunen zijn). En achteraf wouttem zelfs nie dammen hem doarveur iet gaven: da was geirren gedoan zeittem…….
(Wordt Vervolgd)
mee azzu nen otto zemmen dus noar de stoasse van Dinant gevoerd : ne Porsche Cayenne
Der komt nog een twiede verslagsken van onzen trip, wie toch al wa fottookes van onzen tocht wil zien kannek deezen saait oanroun. Die minsen emmen diezelfsten tocht gedoan, moar zatten blekboar wel de nuudige koarten bij
Pingback: 5 november 2011 : Godinne – Dinant « Davonturen van den Do