Op deistag ezzet den traditionele afsluiter van de carnaval. Tegen een uur of twee verzoamelen tein alle meisjes oan café ‘t Schuurken tFoefijzer (juust es juust). Der wuirren wa toerkes gedoan op Kastel en der wuirt hier of doar al ies een pintjen gedronken en tegen soavens kommen tein “dandere” uuk noar Kastel afzakken…… en verdwijnen de meisjes moe en voldoan noar huis (den ienen al wa rapper as den anderen)
Nog ies dank oan Peter veur de fottookes…… en ja der stoan der nog veel mier op Feesboek , allen doarheen zounek zeggen 
Uuk nog ies onzen aller dank oan de meisjes van RADIO 69 veur dorganisoasse ! Tot noste joar zounek zeggen
Tleste joar da de meisjes bij Linda konnen goan
De meisjes zen op weg noar..... ja noar woar in feite ?
Mee mijn aansaamble van "Marjet den Bollus" en de telluur in dand
Ludo, wij zemmen wel bijien gekommen oan ‘t oefzijzer en nie oan ‘t schuurken.
En ’twas nie den ierste kier dammen bij Linda goan moar uegst waarschijnlijk de leste kier.
T’es au vergeven, den alkool zal zen werk nog oan ‘t doen zijn. Den mijnen es al uitgewerkt, ik wasser tein uek vroeger van tussen.
Da van tfoefijzer es inderdoad juust, kwas woarschijnlijk nog nie goed wakker toenek dienen tekst schreef….. moar gij blekboar uuk nie want over Linda stoater wel duidelijk tleste joar woarbij dus die twiede letter de L es van laotmij-iespeizzen en nie de I van ikweetetnemier…… moar tes ou vergeven, tzal wel de leeftijd zen die ou parten spilt zekers